Учебный обиход 2. АЛЬТ. все тексты (слова) песен, переводы, видео, клипы

ПЕ́РВЫЙ АНТИФО́Н ПРА́ЗДНИКА:
Хор:
Стих 1: Возлюби́х, я́ко услы́шит Госпо́дь/ глас моле́ния моего́.
Моли́твами Богоро́дицы, Спа́се, спаси́ нас.
Стих 2: Я́ко приклони́ у́хо Свое́ мне,/ и во дни моя́ призову́.
Моли́твами Богоро́дицы, Спа́се, спаси́ нас.
Стих 3: Объя́ша мя боле́зни сме́ртныя,/ беды́ а́довы обрето́ша мя.
Моли́твами Богоро́дицы, Спа́се, спаси́ нас.

ВТОРО́Й АНТИФО́Н ПРА́ЗДНИКА:

Стих 1: Ве́ровах, те́мже возглаго́лах,/ аз же смири́хся зело́.
Спаси́ ны Сы́не Бо́жий,/ возсе́дый на жребя́, пою́щия Ти:/ аллилу́иа.
Стих 2: Что возда́м Го́сподеви о всех,/ я́же воздаде́ ми?
Спаси́ ны Сы́не Бо́жий,/ возсе́дый на жребя́, пою́щия Ти:/ аллилу́иа.
Стих 3: Ча́шу спасе́ния прииму́,/ и и́мя Госпо́дне призову́.

ЗАДОСТО́ЙНИК (ВМЕ́СТО «ДОСТО́ЙНО…»):
Хор: Бог Госпо́дь, и яви́ся нам./ Соста́вите пра́здник,/ и веселя́щеся прииди́те, возвели́чим Христа́,/ с ва́иями и ве́твьми, пе́сньми зову́ще:// благослове́н Гряды́й во и́мя Го́спода Спа́са на́шего.

КОНДА́К ПРА́ЗДНИКА, ГЛАС 6:
На престо́ле на Небеси́,/ на жребя́ти на земли́ носи́мый, Христе́ Бо́же,/ А́нгелов хвале́ние/ и дете́й воспева́ние прия́л еси́, зову́щих Ти:// благослове́н еси́, Гряды́й Ада́ма воззва́ти.

ТРОПА́РЬ ПРА́ЗДНИКА, ГЛАС 1:
Хор: О́бщее воскресе́ние/ пре́жде Твоея́ Стра́сти уверя́я,/ из ме́ртвых воздви́гл еси́ Ла́заря, Христе́ Бо́же./ Те́мже и мы, я́ко о́троцы побе́ды зна́мения нося́ще,/ Тебе́ победи́телю сме́рти вопие́м:/ оса́нна в вы́шних,// благослове́н Гряды́й во и́мя Госпо́дне.

ДРУГО́Й ТРОПА́РЬ ПРА́ЗДНИКА, ГЛАС 4:
Спогре́бшеся Тебе́ креще́нием, Христе́ Бо́же наш,/ безсме́ртныя жи́зни сподо́бихомся Воскресе́нием Твои́м,/ и воспева́юще зове́м:/ оса́нна в вы́шних,// благослове́н Гряды́й во и́мя Госпо́дне.