Протодиаконы Святой Руси все тексты (слова) песен, переводы, видео, клипы

Слава Тебе, Боже наш, слава Тебе.

Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души нашя.

Святый Боже, Святый Крепкий, Святый Безсмертный, помилуй нас (трижды).

Слава Отцу, и Сыну, и Святому Духу, и ныне и присно, и во веки веков. Аминь.

1. — Рцем вси от всея души и от всего помышления нашего рцем.
2. — Господи Вседержителю, Боже отец наших, молим Ти ся, услыши и помилуй.
3. — Помилуй нас, Боже, по велицей милости Твоей, молим Ти ся, услыши и помилуй.
4. — Еще молимся о великих вселенских православных Патриарсех, о преосвященных епископех и всей во Христе братии нашей.
5. — Еще молимся о Богохранимей стране нашей, властех и воинстве ея, да тихое и безмолвное житие поживем во всяком благочестии и чистоте.
6. — Еще молимся о блаженных и приснопамятных создателех святаго храма сего, и о всех преждепочивших отцех и братиях, зде лежащих и повсюду, православных.
7. — Еще молимся о милости, жизни, мире, здравии, спасении, посещении, прощении и оставлении грехов рабов Божиих, братии святаго храма сего.
8. — Еще молимся о плодоносящих и добродеющих во святем и всечестнем храме сем, труждающихся, поющих и предстоящих людех, ожидающих от Тебе великия и богатыя милости.