Хор братии Киево-Печерской лавры все тексты (слова) песен, переводы, видео, клипы

Бог Господь, и явися нам, благословен Грядый во имя Господне.
Стих 1: Исповедайтеся Господеви, яко Благ, яко в век милость Его.
Стих 2: Обышедше обыдоша мя и именем Господним противляхся им.
Стих 3: Не умру, но жив буду и повем дела Господня.
Стих 4: Камень, Егоже небрегоша зиждущии, Сей бысть во главу угла: от Господа бысть Сей, и есть дивен во очесех наших.

В Рождестве девство сохранила еси, во Успении мира не оставила еси, Богородице, преставилася еси к животу, Мати сущи Живота, и молитвами Твоими избавляеши от смерти души наша

Тропарь Собору преподобных отцев Киево-Печерских
глас 4
Столп огнезрачный и светоносное солнце, возсиявшее на горе Печерской,/ великаго Антония со всем собором Богоносных отец приводим Тебе, Христе, в молитву,/ ихже ради молим, подаждь обители нашей благодать и душам нашим велию милость.

глас 4
Мысленное солнце и светлую луну,/ первоначальных Печерских,/ со всем собором преподобных днесь почтим,/ тии бо, церковную твердь озаряюще,/ просвещают во тьме страстей бедствующих,/ и подают от Христа Бога молитвами своими помощь во всех скорбех,// и душам нашим просят избавления.