Хор братии Валаамского монастыря все тексты (слова) песен, переводы, видео, клипы

Хвалите Господа с небес, хвалите eго в вышних. Хвалите eго вси ангели eго; хвалите eго, вся силы eго. Хвалите eго, солнце и луна; хвалите eго вся звезды и свет. Хвалите eго, небеса небес и вода, яже превыше небес. Да восхвалят имя Господне; яко той рече, и быша; той повеле, и создашася. Постави я в век и в век века; повеление положи, и не мимо идет. Хвалите Господа от земли, змиеве и вся бeздны; oгнь, град, снег, голоть, дух бурен, творящая слово eго; горы и вси холми, древа плодоносна и вси кедри; зверие и вси скоти, гади и птицы пернаты; царие земстии и вси людие, князи и вси судии земстии; юноши и девы, старцы с юнотами. Да восхвалят имя Господне; яко вознесеся имя того eдинаго, исповедание eго на земли и на небеси. И вознесет рог людий своих; песнь всем преподобным eго, сыновом Израилeвым, людем приближающымся eму.

Слава Отцу, и Сыну, и Святому Духу. Хвали, душе моя, Господа. Восхвалю Господа в животе моем, пою Богу моему , дондеже есмь. Не надейтеся на князи, на сыны человеческия, в них же несть спасения. Изыдет дух его, и возвратится в землю свою: и той день погибнут вся помышления его. Блажен, емуже Бог Иаковль помошник его, упование его на Господа Бога своего, сотворшаго небо и землю, море и вся, яже в них: хранящаго истину в век, творящего суд обидимым, дающаго пищу алчущим. Господь решит окованныя: Господь умудряет слепцы: Господь возводит низверженныя: Господь любит праведники: Господь хранит пришельцы, сира и вдову приимет, и путь грешных погубит.
Воцарися Господь во век, Бог твой, Сионе, в род и род.

1Благослови, душа моя, Господа! Господи, Боже мой! Ты дивно велик, Ты облечен славою и величием; 2Ты одеваешься светом, как ризою, простираешь небеса, как шатер; 3устрояешь над водами горние чертоги Твои, делаешь облака Твоею колесницею, шествуешь на крыльях ветра.

4Ты творишь ангелами Твоими духов, служителями Твоими - огонь пылающий.

5Ты поставил землю на твердых основах: не поколеблется она во веки и веки.

6Бездною, как одеянием, покрыл Ты ее, на горах стоят воды.

Благословен Еси, Господи, научи мя оправданием Твоим.
Ангельский собор удивися, зря Тебе в мертвых вменившася, смертную же, Спасе, крепость разоривша, и с Собою Адама воздвигша, и от ада вся свобождша.
Благословен Еси, Господи, научи мя оправданием Твоим.
Почто мира с милостивными слезами, о ученицы, растворяете; блистаяйся во гробе Ангел мироносицам вещаше: видите вы гроб и уразумейте: Спас бо воскресе от гроба.
Благословен еси, Господи, научи мя оправданием Твоим.
Зело рано мироносицы течаху ко гробу Твоему рыдающя, но предста к ним Ангелы рече: рыдания время преста, не плачите, воскресение же апостолом рцыте.
Благословен еси, Господи, научи мя оправданием Твоим.
Мироносицы жены с миры пришедша ко гробу Твоему, Спасе, рыдаху, Ангел же к ним рече, глаголя: что с мертвыми Живаго помышляете? Яко Бог бо воскресе от гроба.

Богородица, Дева, радуйся!!
Благодатная Мария, Господь с Тобою!
Благословлена ты среди жен, и благословлен плод чрева твоего,
яко Спаса родила еси душ наших!

Величит душа Моя Господа, и возра́довася дух Мой о Бо́зе Спасе Моем.
Честне́йшую херуви́м и сла́внейшую без сравнения серафим, без истления Бога Слова рождшую, сущую Богородицу, Тя величаем.
Яко призре́ на смирение рабы Своея́, се бо от ныне ублажат Мя вси ро́ди.
Честнейшую херувим…
Яко сотвори́ Мне величие Сильный, и свято имя Его, и милость Его в ро́ды родо́в боящимся Его.
Честнейшую херувим…
Сотвори́ державу мышцею Своею, расточи́ гордыя мыслию сердца их.
Честнейшую херувим…

Величит душа Моя Господа, и возра́довася дух Мой о Бо́зе Спасе Моем.
Честне́йшую херуви́м и сла́внейшую без сравнения серафим, без истления Бога Слова рождшую, сущую Богородицу, Тя величаем.
Яко призре́ на смирение рабы Своея́, се бо от ныне ублажат Мя вси ро́ди.
Честнейшую херувим…
Яко сотвори́ Мне величие Сильный, и свято имя Его, и милость Его в ро́ды родо́в боящимся Его.
Честнейшую херувим…
Сотвори́ державу мышцею Своею, расточи́ гордыя мыслию сердца их.
Честнейшую херувим…

Миром Господу помолимся.
О свышнем мире и спасении душ наших, Господу помолимся.
О мире всего мира, благостоянии святых Божиих церквей и соединении всех, Господу помолимся.
О святем храме сем и с верою, благоговением и страхом Божиим входящих в онь, Господу помолимся.
О Великом Господине и Отце нашем Святейшем Патриархе Алексии, и о Экзархе его Господине нашем Высокопреосвящениейшем Митрополите Филарете, честнем пресвитерстве, во Христе диаконстве, о всем причте и людех, Господу помолимся.
О богохранимей стране нашей, властех и воинстве ея, Господу помолимся.
О граде сем, всяком граде, стране и верою живущих в них, Господу помолимся.
О благорастворении воздухов, о изобилии плодов земных и временех мирных, Господу помолимся.

Не рыдай Мене, Мати, зряще во гробе,
Его же во чреве без семени зачала еси Сына:
возстану бо и прославлюся и вознесу со славою,
непрестанно яко Бог, верою и любовию Тя величающия.

Стекается прочее соборище иудейское, / да Содетеля и Зиждителя всяческих Пилату предаст: / о беззаконных, о неверных! / Яко грядущаго судити живым и мертвым, на суд готовят: / исцеляющаго страсти, ко страстем уготовляют. / Господи долготерпеливе, / велия Твоя милость, слава Тебе.

Преподобного Иоанна Дамаскина

Иуда беззаконный, Господи, / омочивый на Вечери руку в солиле с Тобою, / простре к беззаконным руце прияти сребреники, / и мира умысливый цену, / Тебе Безценнаго не убояся продати: / нозе прострый во еже умыти, / Владыку облобыза льстивно, во еже предати беззаконным: / лика же апостольскаго отвергся, / и тридесять поверг сребреники, / Твоего тридневнаго воскресения не веде, / имже помилуй нас.

Иуда предатель льстив сый, / льстивным лобзанием предаде Спаса Господа, и Владыку всех, / яко раба продаде иудеом: яко овча на заколение, / тако последоваше Агнец Божий, Сын Отчий, / един Многомилостивый.

Взбранной Воеводе победительная, яко избавльшеся от злых, благодарственная восписуем Ти раби Твои, Богородице, но яко имущая державу непобедимую, от всяких нас бед свободи, да зовем Ти: радуйся, Невесто Неневестная.

Во царствии Твоем помяни нас, Господи,
егда приидеши во Царствии Твоем.
Блажени нищии духом, яко тех есть царство небесное.
Блажени плачущии, яко тии утешатся.
Блажени кротции, яко тии наследят землю.
Блажени алчущии и жаждущии правды, яко тии насытятся.
Блажени милостивии, яко тии помиловани будут.
Блажени чистии сердцем, яко тии Бога узрят.

Воскресение Христово видевше, | поклонимся Святому Господу Иисусу Христу, | Единому Безгрешному. | Кресту Твоему покланяемся, Христе, | и Святое Воскресение Твое поем и славим. | Ты бо еси Бог наш, | разве Тебе иного не знаем, имя Твое именуем. | Приидите вси вернии, | поклонимся Христову Святому Воскресению:| се бо прииде Крестом радость всему миру,| всегда благословяще Господа,| поем Воскресение Его; | распятие бо претерпев, || смертию смерть разруши.

Всякое дыхание да хвалит Господа.
Хвалите Господа с небес,
хвалите Его в вышних.
Тебе подобает песнь Богу.

Хвалите Его вси ангели Его,
хвалите Его вся силы Его.
Тебе подобает песнь Богу.

Господи, воззвах к Тебе, услыши мя. Услыши мя, Господи. Господи, воззвах к Тебе, услыши мя, вонми гласу моления моего, внегда воззвати ми к Тебе. Услыши мя, Господи. Да исправится молитва моя, яко кадило пред Тобою; воздеяние руку моею, жертва вечерняя. Услыши мя, Господи. Не уклони сердце мое в словеса лукавствия, непщевати вины о гресех.

Да воскре́снет Бог, и расточа́тся врази́ Его́, и да бежа́т от Лица́ Его́ ненави́дящии Его́.

Христо́с воскре́се из ме́ртвых, сме́ртию смерть попра́в и су́щим во гробе́х живо́т дарова́в.

Я́ко исчеза́ет дым, да исче́знут, я́ко та́ет воск от лица́ огня́.

Христо́с воскре́се из ме́ртвых, сме́ртию смерть попра́в и су́щим во гробе́х живо́т дарова́в

Молитва заамвонная

Иерей (стоя пред амвоном}: Благословляяй благословящия Тя, Господи, и освящаяй на Тя уповающия, спаси люди Твоя и благослови достояние Твое, исполнение Церкве Твоея сохрани, освяти любящия благолепие дому Твоего; Ты тех возпрослави Божественною Твоею силою, и не остави нас, уповающих на Тя. Мир мирови Твоему даруй, Церквам Твоим, священником, воинству и всем людем Твоим. Яко всякое даяние благо, и всяк дар совершен свыше есть, сходяй от Тебе, Отца Светов; и Тебе славу, и благодарение, и поклонение возсылаем, Отцу и Сыну и Святому Духу, ныне и присно и во веки веков.

Душе моя, восстани, что спиши? Конец приближается и имаши смутитися. Воспряни убо, да пощадит тя Христос Бог, везде сый и вся исполняяй. Кондак (песнопение), который исполняется после шестой песни Великого канона Андрея Критского.

Canon st. Andrew of Crete, Kontakion, tone 6:

My soul, my soul, arise! Why are you sleeping? The end is drawing near, and you will be confounded. Awake, then, and be watchful, that Christ our God may spare you, Who is everywhere present and fills all things.

Кондак преподобного Сергия Радонежского
глас 8
Христовою любовию уязвився, преподобне, и Tому невозвратным желанием последовав, всякое наслаждение плотское возненавидел еси и, яко солнце, Отечеству твоему возсиял еси; тем и Христос даром чудес обогати тя. Поминай нас, чтущих пресветлую память твою, да зовем ти: радуйся, Сергие богомудре.

Милость мира, жертву хваления.
И со духом твоим.
Имамы ко Господу.
Достойно и праведно есть
покланятися Отцу, и Сыну, и Святому Духу,
Тройце Единосущней и нераздельней.
Свят, свят, свят, Господь Савоаф,
исполнь небо и земля славы Твоея,

Неделя эта названа так потому, что в воскресный день этой недели читается из Евангелия притча о блудном сыне (Лк. 15, 11—32). Чтобы живее напомнить христианам об удалении их от Отечества Небесного и рабстве греху, Церковь после псалмов полиелейных поет 136 псалом, петый евреями в плену вавилонском:

На реках Вавилонских, тамо седохом и плакахом, внегда помянути нам Сиона. На вербиих посреде его обесихом орг€аны наша. Яко тамо вопросиша ны пленшии нас о словесех песней и ведшии нас о пении: воспойте нам от песней Сионских. Како воспоем песнь Господню на земли чуждей? Аще забуду тебе, Иерусалиме, забвена буди десница моя. Прильпни язык мой гортани моему, аще не помяну тебе, аще не предложу Иерусалима, яко в начале веселия моего. Помяни, Господи, сыны Едомския, в день Иерусалимль глаголющия: истощайте, истощайте до оснований его. Дщи Вавилоня окаянная, блажен иже воздаст тебе воздаяние твое, еже воздала еси нам. Блажен иже имет и разбиет младенцы («Младенцы» здесь суть греховные помыслы, которые разбиваются о камень веры – Христа Спасителя) Твоя о камень.

Перевод: При реках Вавилона, там сидели мы и плакали, когда вспоминали о Сионе; на вербах, посреди его, повесили мы наши арфы. Там пленившие нас требовали от нас слов песней и притеснители наши — веселья: «Пропойте нам из песней Сионских». Как нам петь песнь Господню на земле чужой? Если я забуду тебя, Иерусалим, — забудь меня десница моя; прилипни язык мой к гортани моей, если не буду помнить тебя, если не поставлю Иерусалима во главе веселия моего. Припомни, Господи, сынам Едомовым день Иерусалима, когда они говорили: «Разрушайте, разрушайте до основания его». Дочь Вавилона, опустошительница! блажен, кто воздаст тебе за то, что ты сделала нам! Блажен, кто возьмет и разобьет младенцев твоих о камень!

Наг изыдох на плач сей, яко младенец,
Наг и отыду паки.
Уже что труждаюся и смущаюся всуе,
Не ведая конца жития сего.
О, дивства!
Како шествуем вси равни оброзом.
От тмы на свет,
От света же во тму лютою.

Ны́не отпуща́еши раба́ Твоего́, Влады́ко, по глаго́лу Твоему́, съ ми́ромъ;
я́ко ви́деста о́чи мои́ спасе́нiе Твое́,
е́же еси́ угото́валъ предъ лице́мъ всехъ люде́й,
светъ во открове́нiе язы́ковъ, и сла́ву люде́й Твои́хъ Изра́иля.

О тебе́ ра́дуется, Благода́тная, вся́кая тварь, А́нгельский собо́ръ и Челове́ческий родъ, Освяще́нный хра́ме и раю́ слове́сный, Де́вственная похвало́, из нея́же Богъ воплоти́ся и Младе́нецъ бысть, пре́жде векъ сый Богъ нашъ, ложесна́ бо твоя́ Престо́лъ сотвори́, и чре́во твое́ простра́ннее Небе́съ соде́ла; о тебе́ ра́дуется, Благода́тная, вся́кая тварь, сла́ва тебе́.

Гимн Валаамской обители
Монах Петр (Михайлов)
Игумен Харитон (Дунаев)

О, дивный остров Валаам!
Рука Божественной судьбы
Воздвигла здесь обитель рая,
Обитель высшей чистоты,

Иерей произносит отпуст (в воскресенье)

Воскресый из мертвых, Христос, истинный Бог наш, молитвами Пречистый Своея Матере, святых славных и всехвальных Апостол, иже во святых отца нашего Иоанна, архиепископа Константина града, Златоустаго (или: св. Василия Великаго, архиепископа Кесарии Каппадокийския), и святаго (храма и святого, которого память в этот день), святых и праведных Богоотец Иоакима и Анны и всех святых, помилует и спасет нас, яко Благ и Человеколюбец

Ирмос: Воскресения день, просветимся, людие: Пасха, Господня Пасха! От смерти бо к жизни и от земли к небеси Христос Бог нас преведе, победную поющия.
Ирмос: Воскресения день, просветимся, людие: Пасха, Господня Пасха! От смерти бо к жизни и от земли к небеси Христос Бог нас преведе, победную поющия.
Припев: Христос воскресе из мертвых.
Очистим чувствия и узрим неприступным светом Воскресения Христа блистающася, и радуйтеся рекуща, ясно да услышим, победную поюще.
Припев: Христос воскресе из мертвых.
Небеса убо достойно да веселятся, земля же да радуется, да празднует же мир, видимый же весь и невидимый: Христос бо воста, веселие вечное.
Пресвятая Богородице спаси нас.
Умерщвления предел сломила еси, вечную жизнь рождшая Христа, из гроба возсиявшаго днесь, Дево всенепорочная, и мир просветившаго.

Хвалите имя Господне, хвалите, раби Господа. Аллилуия(3)
Стоящии во храме Господни, во дворех дому Бога нашего. Аллилуия(3)
Хвалите Господа, яко Благ Господь, пойте имени Его, яко добро. Аллилуия(3)

Исповедайтеся Господеви, яко благ. Аллилуя.
Яко в век милость Его. Аллилуия.
Исповедайтеся Богу богов. Аллилуия.
Яко в век милость Его. Аллилуия.

Помилуй нас, Господи, помилуй нас: всякаго бо ответа недоумеюще, сию Ти молитву, яко Владыце, грешнии приносим: помилуй нас.

Слава Отцу и Сыну и Святому Духу:

Господи, помилуй нас, на Тя бо уповахом: не прогневайся на ны зело, ниже помяни беззаконий наших, но призри и ныне яко благоутробен, и избави ны от враг наших: Ты бо еси Бог наш, и мы людие Твои, вси дела руку Твоею, и имя Твое призываем.

И ныне и присно и во веки веков. Аминь.

Приидите пиво пием новое, не от камене неплодна чудодеемое, но нетления источник, из гроба одождивша Христа, в Немже утверждаемся.

Ныне вся исполнишася света, небо же и земля и преисподняя: да празднует убо вся тварь востание Христово, в немже утверждается.

Вчера спогребохся Тебе, Христе, совостаю днесь воскресшу Тебе, сраспинахся Тебе вчера, Сам мя спрослави, Спасе, во Царствии Твоем.

Слава Отцу и сыну и Святому Духу.
На нетленную жизнь прихожду днесь благостию рождшагося из Тебе, Чистая, и всем концем свет облиставшаго.

Псалом 102
Благослови, душе моя, Господа, Благословен еси Господи. Благослови, душе моя, Господа, и вся внутренняя моя имя святое Его. Благослови, душе моя, Господа, и не забывай всех воздаяний Его, очищающаго вся беззакония твоя, исцеляющаго вся недуги твоя, избавляющаго от истления живот твой, венчающаго тя милостию и щедротами, исполняющаго во благих желание твое: обновится яко орля юность твоя. Творяй милостыни Господь, и судьбу всем обидимым. Сказа пути Своя Моисеови, сыновом Израилевым хотения Своя: Щедр и Милостив Господь, Долготерпелив и Многомилостив. Не до конца прогневается, ниже во век враждует, не по беззаконием нашим сотворил есть нам, ниже по грехом нашым воздал есть нам. Яко по высоте небесней от земли, утвердил есть Господь милость Свою на боявшихся Его. Елико отстоят востоцы от запад, удалил есть от нас беззакония наша. Якоже щедрит отец сыны, ущедри Господь боящихся Его. Яко той позна создание наше, помяну, яко персть есмы. Человек, яко трава дние его, яко цвет сельный, тако оцветет, яко дух пройде в нем, и не будет, и не познает ктому места своего. Милость же Господня от века и до века на боящихся Его, и правда Его на сынех сынов, хранящих завет Его, и помнящих заповеди Его творити я. Господь на Небеси уготова Престол Свой, и Царство Его всеми обладает. Благословите Господа вси Ангели Его, сильнии крепостию, творящии слово Его, услышати глас словес Его. Благословите Господа вся силы Его, слуги Его, творящии волю Его. Благословите Господа вся дела Его, на всяком месте владычества Его.
Слава Отцу и Сыну и Святому Духу,
и ныне и присно и во веки веков.
Аминь.
Благослови, душе моя, Господа, и вся внутренняя моя имя святое Его.
Благословен еси Господи.
(это слова к песнопению а не текст псалма)

Буди Имя Господне благословено отныне и до века. (Трижды)
Благословлю Господа на всякое время, выну хвала Его во устех моих. О Господе похвалится душа моя, да услышат кротцыи и возвеселятся. Возвеличите Господа со мною, и вознесем имя Его вкупе. Взысках Господа, и услыша мя, и от всех скорбей моих избави мя. Приступите к Нему, и просветитеся, и лица ваша не постыдятся. Сей нищий воззва, и Господь услыша и, и от всех скорбей его спасе и. Ополчится Ангел Господень окрест боящихся Его, и избавит их. Вкусите и видите, яко Благ Господь: блажен муж, иже уповает Нань. Бойтеся Господа, вси святии Его, яко несть лишения боящимся Его. Богатии обнищаша и взалкаша: взыскающии же Господа не лишатся всякаго блага.

Псалом 33
1 Псалом Давиду, внегда измени лице свое пред Авимелехом, и отпусти его, и отъиде.

2 Благословлю Господа на всякое время, выну хвала Его во устех моих.
3 О Господе похвалится душа моя, да услышат кротцыи и возвеселятся.
4 Возвеличите Господа со мною и вознесем имя Его вкупе.
5 Взысках Господа и услыша мя, и от всех скорбей моих избави мя.
6 Приступите к Нему и просветитеся, и лица ваша не постыдятся.

3 Помилуй мя, Боже, по велицей милости твоей, и по множеству щедрот твоих очисти беззаконие мое.
4 Наипаче омый мя от беззакония моего и от греха моего очисти мя:
5 яко беззаконие мое аз знаю, и грех мой предо мною есть выну.
6 Тебе единому согреших и лукавое пред тобою сотворих: яко да оправдишися во словесех твоих и победиши, внегда судити ти.
7 Се бо, в беззакониих зачат есмь, и во гресех роди мя мати моя.
8 Се бо, истину возлюбил еси, безвестная и тайная премудрости твоея явил ми еси.
9 Окропиши мя иссопом, и очищуся: омыеши мя, и паче снега убелюся.
10 Слуху моему даси радость и веселие: возрадуются кости смиренныя.

1 Помилуй мя, Боже, по велицей милости Твоей, и по множеству щедрот Твоих очисти беззаконие мое.

2 Наипаче омый мя от беззакония моего, и от греха моего очисти мя.

3 Яко беззаконие мое аз знаю и грех мой предо мною есть выну.

4 Тебе Единому согреших, и лукавое пред Тобою сотворих, яко да оправдишися во словесех Твоих и победиши, внегда судити Ти.

Марие, Дево Чистая, Пресвятая Богородице,

Радуйся Невесто Неневестная.

Царице Мати Дево, Руно всех покрывающее,

Радуйся Невесто Неневестная.

Марие, Дево Чистая, Пресвятая Богородице,

Радуйся Невесто Неневестная.

Царице Мати Дево, Руно всех покрывающее,

Радуйся Невесто Неневестная.

Свете тихий святыя славы, Безсмертнаго Отца Небеснаго, Святаго, Блаженнаго, Иисусе Христе: пришедше на запад солнца, видевше свет вечерний, поем Отца, Сына и Святаго Духа, Бога. Достоин еси во вся времена пет быти гласы преподобными, Сыне Божий, живот даяй, темже мир Тя славит.

Се Жених грядет в полунощи, / и блажен раб, егоже обрящет бдяща: / недостоин же паки, егоже обрящет унывающа. / блюди убо душе моя, / не сном отяготися, / да не смерти предана будеши, / и Царствия вне затворишися, / но воспряни зовущи: / Свят, Свят, Свят еси Боже, / Богородицею помилуй нас.

1. Верую во единаго Бога Отца, Вседержителя, Творца небу и земли, видимым же всем и невидимым.

2. И во единаго Господа Иисуса Христа, Сына Божия, Единороднаго, Иже от Отца рожденнаго прежде всех век; Света от Света, Бога истинна от Бога истинна, рожденна, несотворенна, единосущна Отцу, Имже вся быша.

3. Нас ради человек и нашего ради спасения сшедшаго с небес и воплотившагося от Духа Свята и Марии Девы, и вочеловечшася.

4. Распятаго же за ны при Понтийстем Пилате, и страдавша, и погребенна.

Воскресения день,
и просветимся торжеством,
идруг друга обымем.
Рцем, братие,
и ненавидящих нас,
простим вся воскресением,
и тако возопиим:
Христос воскресе из мертвых,

Тропарь, глас 4

Евангелиа Христова истиннии послушницы явистеся, преподобнии, мир и вся яже в нем, яко не сущая, преобидевше любве ради Христовы и в морский остров вселистеся, и трудолюбно в нем противу козней невидимых врагов подвизастеся, постом, бдением же и всенощным стоянием плоти своя духу мудру повинули есте: сего ради от Вседержительныя Десницы достойныя венцы прияли есте. И ныне Пресвятей Троице предстояще молитеся, всеблаженнии отцы, Сергие и Германе, сохранитеся в мире отечеству нашему и спастися душам нашим.

Слава Отцу и Сыну и Святому Духу и ныне и присно и во веки веков. Аминь.

Кондак, глас 4

Днесь, благовернии людие, светло празднуем,/ осеняеми Твоим, Богомати, пришествием,/ и к Твоему взирающе пречистому образу, умильно глаголем:/ покрый нас честным Твоим Покровом/ и избави нас от всякаго зла,/ молящи Сына Твоего, Христа Бога нашего,// спасти души наша.

Яко радугой вселенную опоясавший, / от горы Афонской даже до острова Валаама достигший, / преподобне отче наш Антипо, / дивным отцам Молдавским уподобился еси / и ныне во славе Горних обителей пребываеши, / моли Христа Бога Спаса нашего, / деланию иноческому нас наставити / и спасти души наша.

Перевод:
Слова Божия служительнице,/ во апостольстей проповеди первозванному Андрею/ и прочим апостолом подражавшая,/ просветительнице Иверии и Духа Святаго цевнице,/ святая равноапостольная Нино,/ моли Христа Бога// спастися душам нашим

Чертог Твой вижду, Спасе мой, украшенный,
и одежды не имам, да вниду вонь:
просвети одеяние души моея, Светодавче,
и спаси мя.

---

Чертог (богатые палаты) Твой вижу, Спасе мой, украшенный,

Величит душа Моя Господа,
и возрадовася дух Мой о Бозе Спасе моем.
Честнейшую Херувим и славнейшую
без сравнения Серафим, без истления
Бога Слова рождшую, сущую Богородицу, Тя величаем.

Яко призре на смирение рабы Своея,
се бо от ныне ублажат Мя вси роди.